今早在公司, 再一次感受到自己的無力~
亦再一次証明, 運, 的確係最緊要的~
有運的人, 廢物亦可以當高層
冇運的人, 壯苗亦可以作泥塵
今日終於托朋友問到一條保証正貨既靚綠幽靈水晶手鍊要幾錢,
答案係"千零蚊左右", 哇, 乜咁貴既咩, 其實係咪真係有用架?
我諗呢樣野根本唔會有人答到我~信則有, 不信則冇~ 我信
今日個市再升千六點, 本人無責任預測 : 底應該已經出現,
不過黎緊一段時間都係不停上落上落, 掂底唔一定只有一次既~
所以都係一有鬆動錢就會入市, 始終呢段週期, 絕對係入市既最適當時期~
放工買返張六合彩電腦飛先, 曾經同自己講過, 唔會沉迷落任何賭博(唔好同我講買股票係賭緊錢, 我會恥笑你), 而六合彩, 亦只會於金多寶超過二千萬時下注, 且亦只限買一張電腦, 呢個係我既原則~
沒有留言:
發佈留言